انا شفت وحدة ماتستحي بس زي ذي ماشفت

السلام عليكم ورحمة الله
شحالكم ت
ان شاء الله تمام
ومباركم عليكم الشهر الفضيل
والله يعودة علينا باليمن والبركات
بدش بالموضوع احنا عندنا مرت اخو لاحيا ولا مستحي لاتحشم جبير ولا صغير ولا تقدر احد من تسمع صوت امي حتى لو مانت بالدار اللي يمنا تقوم تضحك جنها شايفة مسرحية عادل امام
وامي عازتها ورازتها وهي لاحيا ولا حشيمة فوق جية امي تتسلف علشان تعطيها زي يوم ولدت خدت من اختي مكافاءتها 1000ريال يوم ولدت وبعدها باسبوع طاحت اختي وانكسر الحوض جات هي واهلها ماجابت ريال وابوي دايم يعطيها كل شهر 500ريال وهي لا حيا ولا مستحى ماتوجب احنا عزيناها وكرمنها ووجبناها وهي لاحيا ولا مستحى قواة عين وكل يوم تيي عندنا للعلم عندنا مرضى بالبيت يدي ويدتي ماتيي الاوقت متاخر 10 وفوق عادي الليل ماكو مشكلة لاحيا ولا مستحى وصار لها متزوجة سنة و7شهور ماقالت تعالو تفضلو
انا ابي كلام بالصميم بس باسلوب انها تحس ع دمها وتستحي شوي
ابي ردودكم وارائكم ناطرتكم مابيكم تخيبون ضني

أحسن شي ادا شفتوها تتجاهلوها وولا كأنكم تشوفوها
صدقيني الا زيها أحسن شي وياهم التجاهل
وطريقه مجربه بعد ويا ناس على نفس الشاكله تقريبا

أحسن شي المعاملة الرسمية
وبدون ما تطيحوا الميانة وياها

واذا حست وسألت ليش هالمعاملة صارحوها
واذا ما فاد ولا تغيرت تكلموا وياها بعد

وأنا من رأيي تحقروها وماتعطوها وجه خلها تعرف قيمتها scratch